فريق إيطالي كبير حتى هو باغي يجيب عز الدين أوناحي

صبح الدولي المغربي عز الدين أوناحي هدف لعدد من الفرق الأوروبية الكبيرة اللي عندها رغبة فالتعاقد معه من بعد المستوى الكبير اللي ظهر به فكأس العالم قطر 2022، مع المنتخب الوطني المغربي والمساهمة ديالو على تيرانات المونديال فتحقيق ليكيب ناسيونال لإنجاز غير مسبوق فتاريخ كرة القدم المغربية والإفريقية والعربية.
وكشف موقع "caliomio" الإطالي أن الدولي المغربي عز الدين أوناحي مرغوب فيه حتى فإطاليا، وبالضبط بفريق انتر ميلان الإيطالي، وأن الأخير عبر على الرغبة ديالو فالتعاقد مع لاعب وسط التيران المغربي ونجم انجي الفرنسي، وحسب نفس المصدر فإنتر ميلان موجد عرض وغادي يتقدم به فشهر يناير المقبل، باش يجيب أوناحي للصفوق ديالو.
ومن المنتظر يغادر عز الدين أوناحي أنجي الفرنسي فالميركاتو الشتوي المقبل، حيث كاين صراع كبير ما بين أندية إنجليزية وإسبانية فحال البارصا وليستر سيتي واللي انضم لها حتى انتر ميلان الإيطالي حسب الموقع المذكور.