الركراكي: سفيان بوفال كان غادي يلعب فمان سيتي ماشي فأنجي وها علاش مامشاش

عبر الناخب الوطني وليد الركراكي على أنه ماراضيش بشكل كامل على الطريقة اللي كيلعب بها الدولي المغربي سفيان بوفال مع المنتخب الوطني المغربي، وأكد أنه كون كان كيستغل الإمكانيات الكبيرة اللي عندو كان غادي يكون لعاب ففريق أوروبي كبير.
وكشف الناخب الوطني وليد الركراكي فحوار مع "راديو مارس"، أن نجم المنتخب الوطني المغربي سفيان بوفال عندو إمكانيات كبيرة، لكن لا يستغلها بالشكل الجيد لصالح المجموعة فإشارة لأنه كيغرق فاللعب الفردي وفالمراوغات وكيضع على ليكب ناسيونال الوقت فالوصول لمرمى الخصم ملي كيشد الكرة وكيبدا يدريبلي خصوصا فالهجمات المرتدة.
وليد الركراكي قال على أن سفيان بوفال كون كان كيستغل الإمكانيات ديالو بشكل جيد كان غادي يكون كيلعب فمانشيستر سيتي دابا ماشي فأنجي، وأكد على أنه وخا هاكذكاك غادي ينفع المنتخب الوطني المغربي وراه خدامين معاه باش يبدل شويا من الطريقة ديالو ويخدم بها ليكيب ناسيونال أكثر.