الركراكي عيط على لعابا جداد لمعسكر المنتخب

غادي تلتحق 3 أسماء جديدة بمعسكر المنتخب الوطني المغربي الاعدادي اللي غيواجه فيه الأسود منتخبي الشيلي والبراغواي وديا فالصبليون، ضمن التحضيرات لكأس العالم المقبلة بقطر.
مصادر مطلعة كشفت أن الناخب الوطني وليد الركراكي قرر ضمن كل بنيامين بوشواري من سانت إيتيان الفرنسي، وإسماعيل الصيباري من إيندهوفن الهولندي وبلال خنوس لاعب جينك البلجيكي وهي أسماء شابة عبرت على الرغبة ديالها فحمل قميص ليكيب ناسيونال على اللعب لمنتخبات بلدان المهجر.
ووجه الركراكي الدعوة للاعبين بثلاثة للالتحاق بالمنتخب الوطني المغربي من أجل التعرف أكثر على امكانيتهم ، وذلك بالتزامن مع خوض المنتخب الوطني المغربي للمعسكر ديالو فالصبليون، واللي غيكون حاسم بشكل كبير فلائحة اللعابا اللي غادي يشاركو فكأس العالم.