هاموعد بيع تذاكر أول ماتش للركراكي مع المنتخب

صبح بإمكان الجمهور المغربي اللي عندو رغبة فحضور ليماتش أميكال ديال المنتخب الوطني المغربي فإسبانيا يقتني التذاكر ديالو، لمتابعة أول ظهور للمدرب الجديد وليد الركراكي مع أسود الأطلس.
وعلنت الشركة اللي مكلفة بتنظيم ليماتش أميكال ديال المغرب مع التشيلي والباراغواي صباح اليوم، على طرح تذاكر المبارتين فالموقع ديالها الالكتروني.
وغايلعب المنتخب الوطني المغربي أول مباراة تحت إشراف المدرب الجديد وليد الركراكي، نهار 23 شتنبر مع منتخب التشيلي، وبعدها غيلعب مع الباراغواي نهار 27 فنفس الشهر.
الماتش الأول غيلعبو المنتخب المغربي بمدينة بارسلون والثاني فإشبيلة، وكيدخلو ليماتش بجوج ضمن الاستعدادات ديال ليكيب ناسيونال لمونديال قطر.