الراك صدمو نهضة بركان

فجر الراسينغ البيضاوي مفاجأة فأول ماتش ديال دوري النتيفي اللي انطلق اليوم بمدينة وجدة وربح نهضة بركان البطل ديال كأس العرش وكأس الكونفدرالية، بثلاثة ديال الأهداف لهدفين.
ولو أن البطولة ديال النتيفي كتبقى ودية، ولكن الماتش ديال اليوم ما بين الراك ونهضة بركان كان مشوق وقوي بحيث أن العناصر ديال بركان باغيين يبينو الإمكانيات ديالهم المدرب الجديد عبد الحق بنشيخة، وأيضا اللاعبين ديال الفريق البيضاوي كيوجدو للمنافسات ديال القسم الثاني.
نهضة بركان واللاعبين ديالو دخلو بقوة للماتش وسيلة الهدف الأول بواسطة جبريل فالدقيقة 32، وعبد الراك النتيجة بهدف ماركاه عبوزي فالدقيقة 57، ورجع بركان وتقدم فالنتيجة وسجل له اديبايور الهدف الثاني من ضربة جزاء فالدقيقة 60، لكن الراسينغ ما نزلش يديه ورجع وسجل هدف التعادل والرباح عن طريق الكعبي فالدقيقة 83، والدقيقة الأخيرة ديال الماتش عن طريق ياتارا.
ودابا صبح الراسينغ كيحتل المركز الأول بثلاث نقاط، مؤقتا، ونهضة بركان بصفر نقطة فالرتبة الأخيرة، فانتظار الماتش لي غيلعبو الوداد مع مولودية وجدة هاذ العشية، وأيضا ليماتش اللي جايين.