ها حقيقة تدخل لقجع فاختيارات الركراكي للعابا اللي كيجيو للمنتخب – فيديو

كذب وليد الركراكي مدرب المنتخب الوطني المغربي الإشاعات اللي كتروج حول أن فوزي لقجع رئيس الجامعة الملكية المغربية لكرة القدم كيدخل فالاختيارات ديالو.
ونفى الناخب الوطني وليد الركراكي فحوار له على قناة 2m، أن يكون فوزي لقجع كيقوم بالتدخل فالاختيارات ديالو للعابا فالمنتخب الوطني المغربي، أو كيفرض له شكون يجي وشكون مايجيش للمنتخب.
وأكد وليد الركراكي أن رئيس الجامعة الملكية المغربية لكرة القدم نهار سنا معه لتدريب ليكيب ناسيونال عطاه كارت بلونش باش يخدم على راحتو، ووضح أن لقجع كيقوم حتى هو بالدور ديالو وكيدير مجهود كبير لتوفير جميع ظروف الخدمة فالمنتخب من الموقع ديالو كمسؤول على جهاز كرة القدم المغربية.