عطية الله: مازال ما شفتش العروض اللي عندي والقرار غادي يكون بعد لقائي بمسؤولي الوداد

كشف يحيى عطية الله نجم الوداد الرياضي والمنتخب الوطني المغربي أنه لم يطلع بعد على العروض اللي تلقاها بعد التألق مع ليكيب ناسيونال فكأس العالم قطر 2022، وأنه مازال لم يلتقي بمسؤولي الفريق الأحمر لمناقشة ذلك.
وتحدث يحيى عطية الله خلال المرور ديالو بالقناة الثانية عن المستقبل ديالو وقال: "كنت كنتمنى الاحتراف بدوري أوروبي كبير وهذا حلم ديال أي لاعب من البطولة الوطنية".
وبخصوص العروض اللي جاتو قال عطية الله: "مازال ما عرفتش العروض اللي جاوني ومازال ما طلاقيتش بالمسؤولين ديال الوداد الرياضي باش نعرف شنو العروض اللي عندي وكنتمى الاحتراف بشي دوري كبير باش نطور المستوى ديالي ونكون قدوة للشباب".
للإشارة فالقيمة التسويقية لخدمات يحيى عطية الله الظهير الأيسر للوداد الرياضي والمنتخب الوطني المغربي ارتفعت بشكل كبير، وذلك من مليون ونصف أورو قبل كأس العالم 2022، إلى 2 مليون ونصف بعد المونديال.