بونو: دارنا ماتش بطولي حيث المغاربة وقفو معنا وكنا كنحسو بهم وحنا لاعبين

عبر ياسين بونو حارس المرمى المغربي على الفرحة ديالو من بعدما تأهل المنتخب الوطني المغربي إلى ربع نهائي كأس العالم قطر 2022، من بعدما ربح إسبانيا فالثمن بالبيلانتيات وتألق فيها بونو.
وقال ياسين بونو من بعدما سالا ماتش المغرب وإسبانيا: "هادي لحظة تاريخية كنشكر الجماهير المغربية اللي ساندتنا فالتيران، والمغاربة اللي فالمغرب وجميع الجماهير اللي شجعونا من مختلف الدول وهادشي كنحسوه وخلانا نديرو ماتش بطولي".
وكمل ياسين بونو وقال: "اللعابا ما ستسلموش وبقاو مركزين وحتى من جانب اللياقة البدنية حيث الماتش كان صعيب وإسبانيا كانت عندها الكرة الماتش كامل، ولكن حنا كنا أذكياء وتعاملنا مع الماتش مزيان".