ياسين بونو: قادرين بالمستوى ديالنا نتورخوها ضد إسبانيا

عبر ياسين بونو لكول ديال المنتخب الوطني المغربي على الفرحة ديالو بالتأهل لربع نهائي كأس العالم قطر 2022، وأكد بلي خدامين هو اللعابا فليكيب ناسيونال باش يحققو التأهل ضد إسبانيا ويدخلو التاريخ ولو الماتش صعيب.
وقال ياسين بونو فتصريح الموقع الرسمي ديال الجامعة الملكية المغربية لكرة القدم: "حنا فرحانين حيث تأهلنا لربع نهائي كأس العالم، وهذا إنجاز كبير عندنا حنا والمغاربة ومازال عندنا فرصة باش نزيدو نكتبو التاريخ ونزيدو نفرحو الجماهير ديالنا،كنستعدو للماتش الجاي اللي غادي يكون فمستوى كبير متاكد بي غادي نكونو مزيانين فحال ديما".
وزاد أكد ياسين بونو بخصوص الماتش ضد إسبانيا: "الماتش ضد اسبانيا خاصنا نكونو موجدين له نفسيا وبديا، وغادي يتلعب فجزئيات صغيرة، والمنتخب ديالنا كيف ما شفنا فالماتشات بثلاثة اللي دازو غادي وكيتحسن وماتش من ورا ماتش الأداء ديالو كيتحسن، وراه جايين لهاد الماتش ديال ربع نهائي بمستوى مزيان واللي نقدرو حققو به نتيجة اللي تبقى تاريخية".