سايس: البينين ما شي سهلة وحنا خاصنا نتأهلو

قال مدافع الاسود سايس ان منتخب البينين اللي غاديين يلعب معاه المغرب نهار الجمعة الجاية ثمن النهاية ماشي منتخب ساهل كيف كيظن البعض. سايش اكد فتصريح صحافي بعد اول تدريب للمنتخب عقب التأهل للدور الثاني ان تأهله لثمن النهاية جابو حيث كيستاهل وباللي “لعب مع منتخبات قوية بحال الغانا والكامرون”.
واخا هاد الصعوبة قال سايس “لبوبجيكتيف ديالنا حنا هو نتأهلو لربع النهاية. عانينا فالماتشات السابقة٬ حقاش المنافسين ما كانوش ساهلين”.
سايس اكد ان الاسود واجدين نهار الجمعة وباللي كلشي غادي يدير مجهود باش يوصلو للفينال ويجيبو الكاس.