الركراكي: بلجيكا منتخب كبير وعندها لعابا كبار ولكن غادي نفاجؤهم

وصف الناخب الوطني وليد الركراكي بلي المنتخب البلجيكي اللي غادي يلعب معه المنتخب الوطني المغربي غدا الأحد فالجولة الثانية من كأس العالم قطر 2022، بالمنتخب الكبير.
وليد الركراكي فالندوة الصحافية اليوم السبت اللي كتسبق الماتش ما بين المغرب وبلجيكا عبر على الاحترام ديالو للمنتخب البلجيكي وأكد بلي هو منتخب كبير وقوي وواحد من أحسن المنتخبات فالعالم.
الناخب الوطني وليد الركراكي بين بلي راه عارف الخصم اللي غادي يلعب معه غدا، وقال: "اللعابا ديال المنتخب الوطني المغربي غادي يدخلو باش يديرو المفاجأة ضد المنتخب البلجيكي، اللي كيتوفر على لعابا كبار فحال كيفين دي بروين وإيدين هازار والكول ديالهم تيبو كورتوا".
وزاد قال الركراكب: "اللعابا ديال بلجيكا هادي كثر من 5 كيلعبو مع بعضهم، لعبو نصف نهائي كأس العالم 2018، وحنا ضدهم غادي نلعبو كيفما لعبنا مع كرواتيا وغادي نديرو المفاجأة، واللماتش ديال بلجيكا معنا ماشي فحال ماتش بلجيكا مع كندا راه مختلف عليه".