الركراكي: هدفنا ندوزو للدور الثاني وماتش بلجيكا غايكون مختلف وخاصنا نجيريوه بذكاء باش نربحو

اكد الناخب الوطني وليد الركراكي أن الهدف ديال المنتخب الوطني المغربي قبل ماتش غدا الأحد ضد بلجيكا فالجولة الثانية من كأس العالم قطر 2022، بلي الهدف ديال ليكيب ناسيونال هو تأهل للدور الثاني.
وقال الركراكي فالندوة الصحافية قبل ماتش المغرب وبلجيكا: "الطريقة ما كتهمش اللي مهم هو نتأهلو للدور الثاني ونبعدو على الحسبات وهاكدا غادي نكونو صعاب على أي منتخب غادي يلعب ضدنا".
الركراكي كان واقعي مرة أخرى وقال: " راه حنا فكروب الموت، وشفنا كندا شنو دارت مع بلجيكا راه الماتش غدا ضد المنتخب البلجيكي غادي يكون مختلف وخاصنا نجيريوه بذكاء باش نربحو".