مارتينيز مدرب بلجيكا: لوكاكو غادي يقدر يلعب ضد المغرب

كشف مدرب بلجيكا روبيرتو مارتينيز بلي روميلو لوكاكو مهاجم المنتخب البلجيكي يقدر يلعب الماتش الثاني ديال منتخب بلادو فدور المجموعات من كأس العالم قطر 2022، واللي غادي يكون ضد المغرب.
روبيرتو مارتينيز وفالندوة الصحافية اللي كتسبق ماتش بلجيكا وكندا، قال بلي عندو 25 لعاب واجدين لماتش غدا ضد الكنديين، باستثناء روميلو لوكاكو اللي ماغاديش يشارك.
المدرب البلجيكي كشف بلي الحالة الصحية ديال المهاجم لوكاكاو كتحسن وغادي يقدر يلعب فالماتش الثاني، وهو الماتش اللي غادي يكون ضد المنتخب المغربي الأحد الجاي.