بلال الخنوس: فرحان حيث غادي نلعب مع المغرب وباغي نلعب كاع ليماتش ماشي غير ضد بلجيكا

عبر الدولي المغربي بلال الخنوس لعاب جينك البلجيكي على الفرحة ديالو حيث غادي يلعب مع المنتخب الوطني المغربي فكأس العالم فقطر.
وقال بلال الخنوس فتصريح لموقع HLN البلجيكي: " أنا فرحان وكان كيوصلني الكلام بلي كاين فلاليست فينال ديال المنتخب الوطني المغربي، والمشاركة ديالي فالمونديال مكافأة ليا على الخدمة والاجتهاد ديالي".
وبخصوص الماتش ديال المغرب ضد بلجيكا اللي كانت باغياه يلعب معاها قال بلال الخنوس: "أنا باغي نلعب كاع ليماتش ديال المغرب وماشي غير الماتش ديالنا ضد بلجيكا".
للإشارة فبلال الخنوس اللي عندو 18 عام فقط، فضل يلعب للمغرب على منتخب بلجيكا برغم إغراءات الإتحاد البلجيكي اللي حاول بزاف يغريه ويضغط عليه باش يلعب معه.