توععت وما قدرش يكمل الماتش مع فرقتو تولوز.. أبوخلال غادي يدير ال"IRM" باش يعرف واش غادي يمشي للمونديال

أكد فيليب مونتاني مدرب تولوز الفرنساوي أن الدولي المغربي زكرياء أبو خلال توععت فالفخذ ديالو فماتش فرقتو ضد رين فبطولة فرنسا وبلي غادي يشوفو الطبيب قبل ما يجي للمنتخب الوطني المغربي.
وكشف فيليب مونتاني، فتصريح له من بعدما سالا ماتش تولوز ورين أن المغربي زكرياء أبو خلال توععت داكشي علاش خرج من الماتش وبلي عندو إصابة فالفخذ ديالو، وغادي يدير ليريم غدا الأحد باش يعرفو شنو عندو.
وكان من المنتظر يلتحق زكرياء أبو خلال بالمنتخب المغربي غدا الأحد حسب المدرب ديالو فتولوز اللي تمنى تكون إصابتو خفيفة، مع العلم أن اللاعب عيط له الناخب الوطني وليد الركراكي باش يشارك فالمونظيال.
Philippe #Montanier sur la blessure d'#Aboukhlal : "C'est la cuisse. Il va passer une IRM. J'espère que ce sera un petit grade 1. Il devait rejoindre sa sélection demain. Jouer est le meilleur moyen de se préparer pour le Mondial. Il n'était pas craintif." #FBsport #SRTFC
— France Bleu Occitanie (@bleuoccitanie) November 12, 2022