ها غيابات ليفار ضد شباب المحمدية

غادي يعرف الماتش ديال الجيش الملكي ضد شباب المحمدية اليوم الجمعة فتيران البشير، ضمن مؤجل الجولة 6 من البطولة الاحترافية لكرة القدم، غياب لاعبين مهمين على ليفار.
وكيتعلق الأمر بكل من أحمد حمودان اللي موعت فالفخذ، وغادي يخضع للعلاج والراحة لمدة 3 سيمانات، وكذلك غادي يغيب محمد مفيد اليوم ضد شباب المحمدية، حيث حتى هو موعت لكن من المنتظر يكون واجد فالماتش اللي من موراه.
للإشارة ففريق الجيش الملكي غادي يحل ضيف على شباب المحمدية فتيران البشير، فماتش مهم للطرفين اللي كل واحد فيهم غادي يبحث على الرباح باش يبقى فمقدمة الترتيب.