عموتة جرى على 15 لعاب مغادينش العبو ضد الكوكب

مبغاش الحسين عموتة اعتمد على شي 15 لعاب عندو في الفرقة في الماتش لغادي العبوه ضد الكوكب المراكشي، برسم سدس عشر كأس العرش.
عموتة غادي العب الماتش غير باللاعبين لقدام ديالو، وشي لاعب ولا جوج من الجداد، أما الباقي فمبغاش اديهم باش العبو الماتش ضد مراكش.
وغادي اغيب على الماتش اللاعبين الجداد زكرياء الهاشمي، وأولاد، ومحمد الناهيري، لكيعاني من الإصابة، بالإضافة إلى باقي اللاعبين أنس المرابط وفهد أكتاو ومحسن المهتدي ورضا الهجهوج ورشيد حسني وأيمن الحسوني وحمزة الواسطي وأشرف داري وزهير المترجي وبدر كادارين وفيصل الحدادي وعصام الشويخ والإيفواري الشيخ ابراهيم كومارا.
وغادي اخلي عموتة هاد اللاعبين حتى الماتش جاي باش اياخدو وقتهم في التداريب، واسترجعو لياقة البدنية ديالهم مزيان، قبل ما يبداو العبو الماتشات الرسميين ديال البطولة وكأس العرش.