الوداد سينا ليه "كريستيانو" الدوري الاحترافي

توصل الوداد البيضاوي إلى اتفاق رسمي مع الفتح الرباطي باش اشري اللاعب محمد الناهيري، الملقب ب"كريستيانو" لأنه كيماركي أهداف من ضربات الخطأ بتسديدات قوية بحال تسديدات البرتغالي كريستيانو رونالدو.
الناهيري كان مشى لتونس ولعب مع المنتخب المحلي في المباراة أمام ليبيا وتعرض للإصابة، وغادي اكون رجع للمغرب، باش اوقع للوداد في الميركاتو الحالي، وهو غادي اكون من بين أحسن الصفقات لوقع عليها الوداد في الصيف الحالي.
وكيسعى الحسين عموتة مدرب الوداد إلى تقوية الصفوف ديال الفريق ديالو بلاعبين في المستوى، لأنه باغي احافظ على اللقب ديالو لفاز بيه في الموسم الماضي، وباغي انافس على لقب عصبة الأبطال.
وخا تعاقد الوداد مع الناهيري، مغاديش اقدر العب في الشابينز ليغ لأنه كان لعب فيها مع الفتح الرباطي، وتقصاو من الدور الأول، وتأهلوا لكأس الكاف.
وكان الوداد د تعاقد مع لاعبين آخرين منهم محمد لولاد، وياسين الخروبي، وزكرياء الهاشيمي، لمشا من الرجاء للوداد، بسباب التعامل ديال حسبان وفاخر معاه.