حمد الله كيعترف: غلطت نهار خرجت من معسكر المنتخب وكنعتذر للمغاربة والمسوؤلين

اعترف الدولي المغربي عبد الرزاق حمد الله بلي غلط نهار مشى من التجمع الاعدادي ديال المنتخب الوطني المغربي قبل كأس إفريقيا 2019، وقرر يعتذر للجمهور المغربي والمسوؤلين فالجامعة الملكية المغربية لكرة القدم حيث خرج من المعسكر وهز ساكو وزاد، وهاذشي كيجي قبل أيام فقط على مشاركة الأسود فكأس العالم بقطر.
وخرج عبد الرزاق حمد الله فقناة "mbc" وقال: "وكنعتذر للجمهور المغربي والمسوؤلين على داكشي اللي وقع فعام 2019".
عبد الرزاق حمد الله اعترف بلي غلط غلطة كبيرة من خرج من المعسكر وقال: "الخروج ديالي من معسكر ديال المنتخب نقطة مظلمة فالكاريير ديالي، وكنت غالط وكنعتذر".
حمد الله أكرد بلي هو واجد فحالة تم الاستدعاء ديالو للمشاركة فكأس العالم 2022، وشدد بلي غادي يقدم كاع داكشي اللي عندو وفحالة ما عيطش له المدرب الوليد الركراكي غادي يكون أول مشجع ليكيب ناسيونال.