وكالة التصنيف الائتماني "ستاندرد آند بورز": أسس الاقتصاد المغربي ‏متينة وقادر يواجه الأزمة وإجراءات حكومة أخنوش مزيانة للتحكم فالتضخم

‏قالت وكالة التصنيف الائتماني المعروفة دوليا ‏ستاندرد آند بورز ‏‏Standard & Poor's، بلي المغرب حصل على رتبة جديدة ديال ‏BB‏+ على ‏مستوى التصنيف الائتماني " ‏المستقرة"، وخا الإكراهات الصعيبة ديال الوضع الاقتصادي ‏العالمي، في الوقت اللي خفضات فيه الوكالة العالمية نظرتها ‏المستقبلية للديون السيادية ‏لمجموعة من الدول .‏
التقرير ديال الوكالة لي كتكون صارمة فالتنقيط، أكد أن هاد الرتبة الجديدة لي حصل عليها المغرب كتجي نتيجة الإجراءات اللي ‏دارت حكومة أخنوش باش تحافظ على هيكل ملائم وإيجابي ‏‏لمحفظة الديون (أكثر من 75 فالمائة من ديون الحكومة بالدرهم ‏وأقل ‏من 25 فالمائة بالعملات الأجنبية بشروط ميسرة إضافية)‏.‏
الوكالة الدولية ثمنات الإصلاحات الهيكلية اللي نفذاتها الحكومة ‏باش يتحقق النمو الاقتصادي، وينخافض عجز الميزانية ‏والحساب ‏الجاري بشكل تدريجي، ويتخفف حتى تأثير نسب ‏التضخم، اللي ‏غادي يتم التحكم فيها خلال سنة 2022 في ‏حدود % ‏ 5.9 ، رغم ‏الظرفية الدولية الصعبة، في أفق أن بلادنا تتمكن من تخفيض ‏نسب التضخم تدريجياً إلى % ‏ 2 بحلول ‏عام 2025. ‏
وكالة ستاندرد آند بورز عطات توقعات فيها التفاؤل أكثر من بنك ‏المغرب اللي قال أن النمو غيوصل غير % ‏ 0,8 ، وأكدات أن ‏المغرب يقدر يوصل لمستوى نمو % ‏ 1.4 خلال 2022، وغادي ‏يزيد يطلع تال ‏ % ‏3.4 فميا بحلول سنة 2025.‏