مشكلة الطلبة اللي رجعو من أوكرانيا غادة وكتعقد.. احتجاجات من جوج جوايه وحتى فئة ماعجباها طريقة الإدماج ومسيرة وطنية فالعاصمة فوقت صعيب

شاعلة فكليات الطب والصيدلة، بحيث التنسيقية الوطنية لهاد الطلبة قررات التصعيد والاحتجاج بسبب قرار ادمادج الطلبة العائدين من اوكرانيا بالكونكور لي مزال معارفينش حتى كيفاش غايكون.
هاد القرارات معجبات حتى فئة، من ضمنهم الطلبة العائدين من أوكرانيا بسباب الحرب.. واليوم دارو وقفة قدام الوزارة كيطالبو بالحوار وباغين الادماج بلا شروط.
احتجاجات طلبة الطب رجعات لشوارع الرباط بسبب غياب افق للحوار مع وزارة التعليم العالي.
طلبة كليات الطب والصيدلة وطب الأسنان العمومية بالمغرب دايرين احتجاجات اليوم، وباغين يديرو انزال وطني فالعاصمة معه اضراب وطني عن التداريب يوم 1 يوليوز الجاري.
الاحتجاجات كتبدا فئوية وكتوسع، يلا خرجو الاطباء غايتبعوهم الاساتذة وزيد زيد.. وهادشي علاش هاد لملف خصو مشاورات ونقاش بين جميع القطاعات الحكومية.