وافين هي الدولة!!! شدو شفار فالناظور وسلخوه على الطريقة الداعشية – فيديو

واحد الفيديو داير فالفايس، كيبين كيفاش لمغاربة رجعو كياخدو الحق بيديهم، وكيهددو واحد تهموه أنه شفر، كيهددوه بالقتل يلا ماعتارفش شكون كان معاه فالسرقة.
مقطع الفيديو تصور بمنطقة سمار ببويافر اقليم الناظور، وبان فيه شخص دايرين بيه مجموعة ديال الشباب كيحاولو يديرو خدمة البوليس والدرك، هادشي طبعا من بعد ما سلخوه وكان قريب يموت ليهم بين يديهم.
السيد حتى يلا كان سرق وهادشي يفصل فيه القضاء، راه دار جريمة وحدة أما هاد الشباب فراهوم حتاجزوه وتعداو عليه وههدوه بالقتل وفرق هادشي كولو زادوها بالتشهير بيه بالفيديو، وطبعا الدرك غايشد الشفار ويقول للشباب الله يرضي عليكم.