أجيو ضحكو. بالفيديو. مشايخ المغرب رجعوهم سحارة وعلى رأسهم الفيزازي والزمزمي والصمدي لي كايطير من فاس للدار البيضاء

الزمزمي مول لخيار ويد المهراز صدق ماسميتوش الزمزمي وإنما عبد الله الكيلاني، هادشي بطبيعة الحال ماشي "كود" لي جابتو وإنما واحد القناة مصرية خاصة بالسحر والشعوذة، قاليك أسيدي كاين خمسة من المعالجين الروحانيين المعتمدين فالعالم، وحسب الصور فكولهوم مغاربة، يعني السحارة فهاد العالم كولو هوما حنا.
وزادوها فالاعلان ديالهوم قاليك كل واحد والتخصص ديالو، ها لي كايجيب الحبيب، ها لي كيرجع المطلق، أما الشيخ الفيزازي هو أخطرهم حقاش كيحصل ليك الشفار ف10 دقائق.
هاد الفيديو راه داير روينة فالفايس، والناس كيتساءلو واش الزمزمي والفيزازي غايسكتو على هادشي