تشاڤي محتاج للزلزولي فالبارصا. ها اش گال عليه

الدولي المغربي عبد الصمد الزلزولي مازال فالبارصا. باغيه مدربها تشاڤي. هاد الشي اللي كشفاتو "الموندو ديبورتيڤو" البارح فعددها.
الجريدة الرياضية الكاطالانية اكدات باللي الزلزولي ربح ثقة مدرب البارصا وغادي يكون مع النادي الاول العام الجاي.
المدرب هدر على امكانيات اللعاب المغربي ومهاراتو.
نفس المدرب كان قال لادارة النادي باللي ما محتاجش للعابة بحال ديمبيلي واداما ولكن الزلزولي محتاجو العام الجاي
اللعاب كان لعب مع النادي الاول شي 10 ماتشات قبل ما يرجعو لبارصا 2 باش يتحك.