تعاون جديد بين إسرائيل والمغرب.. وهاد المرة فتصنيع لقاح كورونا

دولة إسرائيل منخرطة بكثافة فمشاريع تصنيع اللقاحات اللي انطلقات فالمغرب، من بعد توقيع اتفاقيات مع المغرب وشركة سينوفارم الشينوية وشركة ريسيفارم السويدية، اللي كتنتج لقاح موديرنا.
وسط معهد باستور فكازا، بداو الإسرائيليين فبناء بنايات ضخمة غتستخدم كمراكز لهذ اللقاحات اللي غيبدا المغرب فإنتاجها، قبل ما يوزعها فالبلاد أو برا.
وحسب مصادر موقع "Maghreb Intelligence"، فالإسرائيليين عندهم خبرة كبيرة فهذ الصدد، وهذي من الأمثلة العظيمة للتعاون التجاري بين المغرب وإسرائل، لكن المصادر ماحدداتش واش المشغلين الإسرائيليين كلفاتهم جهات عامة أو خاصة.
غير هو المعطيات كتبين أنها هيئة تابعة لدولة إسرائيل، حيت فالزيارة الميدانية اللي داروها الإسرائيليين للمعهد، تم اتخاذ إجراءات امنية صادرمة داخل وخارج المعهد، بخضور عناصر أمنية إسرائيلية.
وكيف يسالي إنتاج اللقاح، سواء من طرف المؤسسات العامة او الخاصة، بمن فيهم المستثمرين الأجانب، خاص يقصدو معهد باستور باش ياخدو الموافقة قبل التوزيع.
وفاللول، غينتج المغربب، فضل شركاؤو الدوليين والخدمات اللوجستية اللي قدمتها الشركة المغربية "سوثيما" ، 5 ملايين جرعة لقاح بشكل شهري.
https://www.maghreb-intelligence.com/exclusif-israel-associee-aux-projets-de-fabrication-des-vaccins-au-maroc/