الأمم المتحدة كتوجد تحقيق على العنف ضد العيالات ففترة الحجر الصحي فالمغرب

كتوجد هيئة الأمم المتحدة للمرأة باش تدير تحقيق فالمغرب على العنف ضد العيالات خلال هذ الفترة ديال فيروس كورونا المستجد.
وحسب موقع "مكَريب أنتيليجنس"، غيتم تكليف شركة Afrique Advisors فكازا باش تشرف على هذ البحث، اللي غيدار بلغات كثيرة.
وحسب مصادر الموقع نفسو، فهذا تقرير غيكشف عن الواقع والمعاناة ديال العيالات فهذ الفترة ديال الحجر الصحي اللي تقد تكون صادمة ومؤثرة، وغدي يركز التقرير على المحيط الأسري اللي كيكون فالغالب هو مصدر العنف اللي كتتلقاه المرا (من الراجل أو الأخ).
وأكثر حالات العنف اللي غدي تتطرق ليها الأمم المتحدة هي واقع التهديد بطرد العيالات خلال فترة الحجر الصحي، واللي شي مرات كيولي واقع، وهذشي نتجات عليه عواقب خطيرة بحال الاكتئاب ومحاولات الانتحار.
وهنا الليان ديال مقال "مكَريب أنتيليجنس" فالموضوع:
http://www.maghreb-intelligence.com/exclusif-covid-19-et-violences-contre-les-femmes-lonu-enquete-au-maroc/