ماكتقاداش.. دنيا باطمة: نهار غادي تشوفو وجه بنتي غادي تصدمو

دنيا باطمة واقيلا فاهمة الشهرة بالغلط، وبالصح وصلات لمرحلة خاصها فيها كوتش يقابلها باش تعلم تجنب المشاكل، وباش ماتبقاش عوض تكحل ليها تعميها.
باطمة جاوبات المتتبعين ديالها على حسابها في انستكَرام، لي قالو ليها ورينا وجه بنتك ليلى روز، لي ولدات هادي أسابيع.
دنيا قالتلهم انها فتحات حساب خاص ببنتها على انستكَرام، وقالت أنها غادي تنشر فيه تصاورها في الفترة المقبلة، وهاد الصور غادي يكونو صدمة للناس.. واش زعما كتعني انه من قوة جنال بنتها الناس غادي تصدم؟ ولا غير باغا تشوق الجمهور ديالها؟ ولا شنو البلان؟