بشرى ضو كتهدد مروجي الإشاعات ضدها بالقانون: مغاديش نتفاك مع لي مكيحتارمش الخصوصيات ديالي – تدوينات

هددات الصحافية بشرى الضو مروجي فيديو ديالها مع صديق ليها بالمتابعة القضائية وأكدات أنها مغاديش تسامح مع أي واحد ماحتارمش الخصوصية ديالها.
وطلبات بشرى من خلال حسابها على انستكَرام لي كيتابعها فيه تقريبا جوج مليون شخص، من جميع الصفحات لي حطو الفيديو ديالها مع لعاب قالو أنه خطيبها باش يمسحوه ولا غادي "تندمهم" على حد تعبيرها.
وذكرات بشرى الضو هاد الناس بالقانون ديال الخصوصيات وأكدات أنه قبل النشر كان ممكن يتواصلو معاها في الخاص وتجاوبهم.
ووضحات الضو أن الأمر كيتعلق بصديق فقط وماشي خطيبها ما والو.