وأخيرا وحدة من المشاهير دوات معقول.. الكوميدية لبنى الجوهاري بالدموع: داكشي لي كتشوفو فانتسكَرام غير الكذوب -فيديو

البارح بالليل، الكوميدية المغربية لبنى الجوهاري دارت ستوريز في انستكَرام ديالها، وهي كتبكي وقالت أنها عيات من الكذوب والحياة لي كتبين أنها زوينة في مواقع التواصل.
الكوميدية قالت أن كَاع داكشي لي كيبان في انستكَرام غير كذوب وتخربيق، وأكدات أنها حاليا كتدوز من فترة خايبة من حياتها، وهادشي لي خلاها تخرج وتبكي قدام كلشي كيفما ديما كتبين الضحك والخروج والنشاط.
لبنى وضحات أنها ماغاديش تمسح الستوريز ديالها باش تبين أن الكوميديين والمشاهير عموما ناس عاديين.. وأكدات أن عادي جدا الانسان يحس بالضعف ويبكي.