مابقات انسانية. محكمة صفرو حكمات على تاجر يعطي لعساس 20 درهم فالشهر كتعويض حراسة اللي قطعها عليه هادي عامين

كاينين شي ناس مكيسالوش فالانسانية، وأحد تجار سوق صفرو مثال واضح على هادشي عكس باقي زملاؤو التجار.
وحسب ما علمت "كَود"، فإن التاجر رفض منذ نوفمبر سنة 2018 أن يؤدي التعويض الشهري للعساس اللي، اللي كيحرس السوق وكيعطيوه التجار عشرين درهم على كل محل.
العساس ماكانش من العاكزين، ومشى للمحكمة باش ياخذ حقو اللي كيشقى عليه فالليل والبرد واخا هو تعويض هزيل، ولكن مول الحق مايسمحش تا فدرهم من حقو، والمحكمة أنصفته وعفاتو أولا من الرسوم لأنه السيد ماعندوش، وثانيا حكمات لصالحه، وفرضات على التاجر البخيل يخلص للعساس تعويضه من نوفمبر 2018، حتى لديسمبر 2020، وطبعا مبلغ التعويض كامل جاي هزيل ومافاتش 400 درهم، ولكنو درس لبحال هاد التاجر لي شاف العساس ضعيف وبغى ياكلو فحقو.