باحثون أكدو صعوبة القضاء على فيروس كورونا.. والحل اللي اقترحوه هو "التعايش معاه"

تكلمو باحثون وعلماء صينيون على إمكانية بقاء فيروس كورونا المستجد لواحد الوقت طويل بزاف، أو استحالة "اختفاؤو"، وأكدوا بللي يقدر يبقى يبان مرة فكل عام، وهذشي كيفرض على الإنسان يتعايش معاه، ويبتكر سبل جديدة فالعيش باش يتأقلم مع هذ الوضع.
ومن ضمن هذ الباحثين جين تشي، مدير الأكاديمية الصينية للعلوم الطبية، اللي قال فمؤتمر صحفي بللي "من المحتمل يكون كورونا وباء يقدر يعيش لفترة طويلة، ويستمر فالتواجد داخل الأجسام البشرية".
وحسب مجموعة من الباحثين الشينويين، اللي كينتميو لجامعة ووهان، فقوة هذ الفيروس كتكمن فانه كيجي بلا أراض، وهذشي اللي كيخلي تكون صعوبة فالتشخيص ديالو قبل ما ينقلو المصابين العدوى لناس خرين، على عكس سلرس اللي كان بان هذي 17 عام، واللي كانت الأعراض ديالو باينة.
وعلى هذشي، كيقولو هذ الباحثين بللي من الصعب حصر حالات الإصابة كلها، والإسراع فإدخال جميع المصابين للحجر الصحي، حيت لا بد غيفلتو شي وحدين ويساهمو فنقل العدوى.