رجاء بلمير: خدمت فسونتر دابيل حتى طاب قلبي.. عتقو الناس لي خدامين تما دابا

نشرات المغنية رجاء بلمير بوسط على صفحتها في أنستكَرام كتقول فيه أنه خاص المسؤولين يشوفو من حال الناس لي خدامين في لي سونتر دابيل لأنهم كيعانيو في ظل انتشار فيروس كورونا في البلاد.
رجاء بلمير قالت بأنها كانت خدامة في سونتر دابيل وما دوزاتش فيه قليل وعارفة المعاناة لي كتكون فيه، من سطريس وضغط ومع ظروف المرض غادي يكون الوضع خايب أكثر.
رجاء تلقات بزاف ديال الردود من عند المتتبعين ديالها لي قالو ليها فعلا أنه الوضع في ليسونتر دابيل في هاد الظروف خايب بزاف، وما بغاوش يديرو معاهم حل بالعكس البعض زادوهم ساعات الخدمة.