الشطاحة مايا زگلاتها ثاني ولخصات المرا فطرف ديال اللحم: المرا المغربية خاصها تقاد المؤخرة ديالها باش ميهربش عليها راجل!

الشطاحة مريم لي معروفة بمايا عندها أفكار متناقضة، وكتقدم المرا على أنها جسد وفقط.
وكأن لي غليضة وماشي طاي مانكان مامحسوباش من المجتمع ويقدر تبقى بلا راجل كأن هادو كاملات لي مزوجات نساء منحوتات عند اطباء التجميل، وكان العلاقة بين مرا وراجل مايمكن تكون مبنية غير على المؤخرة.
البارح دارت لايف في انستكرام لي يتفرجو فيه 1600 واحد وبدات كتعطي النصائح للنساء المغربيات عاوتاني، وقالت “الراجل غير كيشد شوية ديال الفلوس كيبدل المرا”، وجاوبتها ماماها لي كانت معها فاللايف وقالت “كيبدلها بوحدة جديدة حيت القديمة كتفكرو في الزلط”، حتال هنا أوكي ماكين باس، نقولو كاينين رجال هكا… لكن مايا زادت فكلامها وقالت “كنصحكم آ المغربيات تقادو حالتكم وتكونو مجبدات وتهلاو في راسكم بالرياضة واليوگا وقادو المؤخرات باش الراجل ميهربش عليكم”.
مايا اختزلات المرأة في مؤخرة وفي طاي زوينة، مع العلم أن فئة كبيرة من المغربيات خدامات ومسؤولات وقادات على راسهم بلا حاجة لهاد الراجل لي غادي يشوفها كسجد فقط، وماغاديش يركز على مستواها الثقافي وعلى بزاف ديال التفاصيل لي مشاركين.
وقالت مايا أنها بركاكة حقيقية، وكتشوف التفاصيل وغالبا الحدس ديالها ماكيخطأش.