مايا صعدات مع لي كيسبوها وغادي تجرجهم في المحاكم واكدات: أنا ماشي منافقة ولي معجبو حال يتفركَع

الشطاحة مايا مازال نايض عليها النحل بعد هضرتها على الدين والإسلام والعلمانية والجوامع في المغرب.
قالت مايا انه جاوها تهديدات، وهادشي علاش؟ حيت قالت رأيها في موضوع فيه بزاف ديال الحقيقة وصدمات فئة معندهاش مع الرأي الأخر وتفكيرها حدو نيفها.
المزابية لي بينات أنها مرا وكَادة مخلعاتهاش الهضرة ودارت البارح فيديوهات في انستكَرام ديالها، كتدوي على نفس الموضوع بدون متنقص ولو كلمة أو فكرة، وكثر من هادشي كلو أكدات أن أي صفحة أو شخص طيح عليها الباطل غادي تدعيهم وتجرجرهم في المحاكم.
وقالت مايا أنها من حقها تدوي وتعبر على رايها ماشي تعيش القمع، واضافت “البلايص لي كنشطح فيهم تحلو فامكم.. بيران كيخرجو ناس كيشعلو” باش تجاوب على المنتقدين لي قالو “اللهم العرق والصنان ولا ريحة الكباريات”.