الشطاحة مايا: الراجل خاص يجيب كادو لمراتو كل سيمانة ولي ماشراش ليها مضمة ماشي راجل

الشطاحة مايا عزيز عليها تهدر بحال شي عرابة ديال العيالات وتدافع عليهم، هادشي حتال هنا مزيان لا مشكل، لكن بلاما تردهم كائنات محتاجات للهدايا والفشوش. المساواة كتبدا بنفس الحقوق ونفس الواجبات، الراجل والمرا بحال بحال وشي يحيب لشي هانية، ولكن باش “بوركابي” كيف كتوصف الراجل مايا بقدحية، بوحدو يتعامل مزيان فين مشى الفيفتي فيفتي…
البارح كانت مايا دايرا اشهار ديال واحد البواطة فيها الورد والشكلاط من نوع اللي كيتعطى كادو، ووسط الهضرة سيفطات الميساجات للرجال، وقالت أن “الراجل العادي خاص يجيب كادو لمراتو مرة في السيمانة”، ونقصات من جيل العيالات ديال دابا وقالت “دابا المرا ولات هي كدير كولشي وهكاك كتقول ليه ها العار اجي تزوجني”.
وقالت المزابية لي مزوجة 3 مرات أن شحال هادي كان الراجل لي مايشريش لمراتو مضمة ديال ذهب ماشي راجل لكن الوقت تبدلات دابا.
وشوية رجعات ولطفات الهضرة وقالت أن كل واحد كيشري الكادوات على قد جهدو، والمهم هو الفعل.