منهم عيالات ودراري صغار.. الجدارمية شدو 12 لحراكَ فبوزنيقة

وقفوا الجدارمية التابعين لعمالة إقليم بنسليمان، لبارح السبت مع لفجر، 12 شخص كانوا عوالين يحرككَوا باستعمال فلوكة تقليدية دارت خصيصا للهجرة السرية، فبحر “دافيد” حدا بوزنيقة.
وحسب المعطيات المتوفرة، فكانوا ضمن هؤلاء ال12 عيالات ودراري صغار، وكانوا مخططين باش يوصلوا للسواحط الأوروبية من شاطئ “دافيد”، باعتقادهم أن المكان اللي بغاو يهاجرو منوا سريا مافيهش مراقبة شديدة من طرف البحرية الملكية، على عكس الشمال، لكنهم لقاو راسهم فيد الجوندارم قبل ما يديماريو.
وحجزوا الجدارمية الفلوكة ولقاو فيها 4 ديال البرامل دليصونص اللي كانت كافية باش توصل الحراكَة لأوروبا.
وفتحوا الجدرمية تحقيق فالموضوع باش يعرفو ظروفو وملابساتو، ويعرفوا خصوصا شكون المدبر الرئيسي لعمليات الهجرة السرية فالمنطقة.