عاجل.. التيمومي مافاقش من “الكوما” ولقجع صيفط هيفي والحداوي لفرنسا…واش الطبيب اللي دار ليه العملية دار خطأ طبي

محمد التيمومي، أسطورة كرة القدم المغربية مازال ف”كوما” بعد العملية الحراحية، اللي دارت في فرنسا، بعد تدخل من الملك.
مصادر كود أكدت أن التيمومي مازال ما فاقش من “الكوما”، بسباب نزيف وقعو ليه بعد العملية الجراحية على ركبتو.
وتدخل طاقم طبي لإنقاذ حياة صانع إنجاز مكسيكو 1986, على الأقل باش يوقف النزيف.
ربما أن التيمومي وقع ليه هاد شي بسبب خطأ طبي، لأن عملية فالركبة ما غاديش تسبب في إغماء المريض اللهم إلا إذا وقع خط في الجراحة.
فوزي لقحع، رئيس الجامعة طبيب المنتخب الوطني عبد الرزاق هفتي باش يوقف على الحالة الصحية للاعب الدولي السابق ويعرف شنو السبب الحقيقي ديال هاد “الكوما”.
لقجع كذلك صيفط لفرنسا كذلك مصطفى الحداوي باعتباره ممثل اللاعبين في العصبة الاحترافية.
التيمومي الملقب بحمودة كيتعتبر محبوب الجماهير المغربية نظرا بأخلاقه العالية إضافة إلى تقنياته المتميزة، مما جعله يفوز بالكرة الذهبية سنة 1985.