تلميذ صيفط مدير ثانوية فالمحمدية للصبيطار حقاش طلبو منو يجيب أباه

younesfta@gmail.com
لبارح الاثنين تلميذ فعمرو 19 عام صيفط مدير المدرسة لي كيقرا فيها للصبيطار، من بعد ماجاب ليه حجرة فراسو كانت غاتجيب ليه التمام.
مصادر “كود”، أكدت أن المدير خرج لباب الثانوية التأهيلية ابن خلدون بالمحمدية، باش يراقب فترة الخروج والدخول ديال التلاميذ، فالوقت لي كان فيه التلميذ المتهم واقف فالباب وصيفط ليه حجرة لراسو طيحتو تما وكانت غاتقتلو، حيث جرى نقله للمستشفى على عجل لتلقي الاسعافات.
وحسب ذات المصادر، التلميذ كانوا وقفوه عن الدراسة من بعد إستنفاذه فترة الدراسة بثانوية الجولان، وجا أباه دار طلب إستعطافي باش يردوه، هادشي لي قبلاتو اللجنة بشرط تنقيله لمؤسسة أخرى، ومن بعد قبول ثانوية إبن خلدون لهاد الطالب بدا كيتغيب بزاف، فمنعوه من العودة للدراسة إلى غاية إحضار ولي أمره، هادشي عصبو وخلاه يهاجم المدير لي كان غايمشي فيها.