أمال صقر ومسلم كملو 2019 بالباد بوز.. وغادي يبداو 2020 بفرحة كبيرة

المغني مسلم ومراتو الممثلة أمال صقر سالاو عام 2019 بالباد بوز وبزاف ديال الانتقادات، لكن غادي يستقبلو 2020 بفرحة كبيرة بعد زواجهم.
جريدة “الأخبار” نقلات عن مصادرها الخاصة أن أمال حاملة في شهرها الثاني وأنها كتسنى من مسلم طفلهما الأول.
مسلم عندو 2 ديال البنات من مراتو الأولى، وأمال عندها بنت وولد من راجلها الأول حتى هي.
الرابور والممثلة كانو هوما حديث المواقع والصحافة نهاية 2019 بعدما خرجات طليقتو بفيديو كتقول أن أمال صقر خرجات ليها على عائلتها وكانت ناضت الروينة، وفي الأخير خرج الكوبل وعلنو زواجهم باش يسدو الموضوع ويحبسو من القيل والقال.