2019. الحب في زمان الفضايح.. مسلم وأمال صقر: علاقة بدات بتخبية وسالات بالعلالي بسكوندال من نبيلة مرات الرابور السابقة

نهاية 2019 في الباد بوز كانت من نصيب الرابور مسلم بعدما خرجات طليقتو نبيلة بفيديو دوات فيه على علاقتو بالممثلة أمال صقر وتاهماتها بتفكيك شمل عائلتها وأنها مصاحبة معاه 5 سنين دابا، اي قبل ما يطلقو، وأنها هدداتها بنشر تصاورها في مواقع البورنو.
حملة كبيرة ديال التضامن داروها رواد المواقع الافتراضية مع طليقة مسلم، وهو وامال صقر ناضو ليهم بالانتقادات ومخلاو فيهم غير لي نساو، بلاما يسمعو رأيهوم في الموضوع، ومسلم اكد أنه مغاديش يدوي احتراما للعشرة والولادو.
العلاقة لي كانت في الخفاء ولات علانية، ومسلم من بعد البوز علن زواجو بأمال صقر وهي بدات كتشتت في الحب والغرام قدام الملايين.
مسلم استغل الجدل ودار أغنية جديدة سميتها Caballero شدات راس الطوندونس فيوتوب، واستغل البوز أيضا وطلق ماركة ديال الحوايج غادي تباع عبر الانترنت.