مسلم لأول مرة من بعد الروينة لي ناضت: طليقتي صدماتني بزاف.. وأمال صقر مراتي وأنا فرحان معها- فيديو

الرابور مسلم قرر يخرج ويدوي على قضية علاقتو مع الممثلة أمال صقر بعدما خرجات مراتو السابقة بفيديو دار البوز بداية هاد السيمانة.
المغني قال فبرنامج “بالفن” انه مغاديش يدوي خايب على طليقتو لأنها كتبقى أم ولادو وكيعتبر هاد الأمور شخصية خاص تبقى بيناتهم، ولكن أكد أنه دوز مشاكل كبيرة بزاف ووصلو لطلاق وكل واحد شد طريقو.
مسلم اعترف بأن الخرجة الاعلامية لي دارت مراتو صدماتو بزاف ومكانش متوقعها نهائيا، ولكن كيفضل مايدخلش في التفاصيل، واضاف انه بالنسبة ليه كل واحد غادي يتحاسب على قد نيتو.
وأكد مسلم أنه فعلا تزوج أمال صقر وهي مراتو وفرحان معها وكيتمنى ليهم الخير والسعادة.
مسلم النور ظهر ليه على وجهو ملي دار علاقة مع أمل صقر
Publiée par GOUD sur Dimanche 8 décembre 2019