نداء لمغاربة: ماتروجوج فيديو الارهابيين راكم كتلعبو لعبهم وكتنشرو الرعب وهادشي اللي باغيين الدواعش

انتشر فيديو بشع بزاف فالفايسبوك و الواتساب وفگاع مواقع التواصل اللي كيستعملوها المغاربة، وكيگولو انه كايوثق لعملية قتل السائحتين في اقليم الحوز قرية امليل، جيهة شمهاروش.
الفيديو بشع بزاف، ومابين طرق الارهابيين والداعشيين يفيلميو اعمالهم الارهابية الاجرامية باش ينشرو الخوف والرعب وسط الناس.
دابا المغاربة خاص يطلعو مطورين على هاد الحاقرين ومايلعبوش لعبهم وماينشروش هاد الفيديو ومايبارطاجيوهش.
اولا حيت كيف ذكرنا، هادشي اللي هما باغيين، هاد الناس كتقتات من نشر الرعب، وثانيا القانون يقدر يعاقب اي واحد نشر ولا بارطاجا ولا صيفط هاد الفيديو اللي كيوثق حسب ما گالو ذبح السائحتين الدنماركية والنرويجية، وحيازتو يمكت ان تعتبر غير قانونية.
وفالفيديو كيبانو لقطات لفصل رأس جوج بنات من طرف اشخاص كيهدرو بالدارجة ومن بين ماقالوه: "هذا جزاء اعداء الله " و تم تصويرو من طرف واحد من الفاعلين.
في المقال، كاينين تصاور هاد الارهابيين المجريمين، هاد التصاور اللي بارطاجيو ونشرو باش يتشدو فاقرب وقت.