فينما مشاو مشوهينا. مغربي عطا سلخة دلعصا لبوليس إسباني بلباس مدني قدام ولدو ومراتو (فيديو)

تداولو نشطاء فمواقع التواصل الاجتماعي الإسبانية، شريط فيديو كيوثق إعتداء مغربي على شرطي إسباني بزي مدني، قدام الزوجة ديالو وولدو الصغير، فمنطقة “فيلاسيكا” بإقليم كتالونيا.
وكيبان فهاد الفيديو، مغربي كيدابز مع إسباني قالو أنه شرطي، ومغربي أخر بقى كيتفرج فيهم، قبل مايحاول يفارقهم بعدما تدخلات الزوجة باش تحامي على زوجها.
وحسب وسائل إعلام محلية إسبانية، فإن السلطات الإسبانية شدات واحد من المعتدين، قبل ما تطلق سراحو وتقرر تتابعو فحالة سراح.
هاذ الفيديو نوض حالة من الغضب فصفوف الإسبانيين، ومعجبهومش الحال، وبالأخص حيت وقع قدام الزوجة والإبن لي كانو مخلوعين بزاف على الشرطي.