جوج قاصرين مغاربة شرملو إسبانية فسبتة وكريساوها

أفادت مصادر إعلامية محلية فمدينة سبتة، أن جوج قاصرين مغاربة كريساو إسبانية بعدما سلخوها.
وقالت المصادر أن القاصرين غفلو الضحية من اللور، وطيحوها وشفرو ليها كاع ممتلكاتها بالعنف، وهربو لوجهة غير معلومة.
ومباشرة بعد علم الشرطة المحلية بخبر هاذ الاعتداء الإجرامي، جات لمكان الحادث وطوقاتو وسدات المداخل والمخارج ديالو، وبعد عملية تمشيط دقيقة، قدرات تشد القاصرين ومعاهم داكشي لي شفرو للضحية.
وبعدما شدات الشرطة المحلية الإسبانية القاصرين بجوج، سلماتهم لعناصر الشرطة الوطنية، باعتبارها صاحبة الاختصاص والمخولة للتحقيق فمثل هاذ الحوادث.