خاص.4 لمغاربة كريساو مهندس معروف وسط برلين وها اللي داو ليه و2 مغاربة دارو ليهم السماوي وها شحال نصبو عليهم

علمت "كود" ان مهندسا معروفا من هيئة الرباط تعرض ليلة السبت الماضي للكريساج وسط العاصمة الالمانية برلين. حسب مصدر "كود" فان المهندس كان رفقة اصدقائه وبعد ما سالى من العشا كان داخل لفندق "سوفيتيل" بشارع شالوتين ليفاجأ ب4 مغاربة دوروه قريب من الباب. عرفوه وخداو ليه ماكانتو الغالية واخا بقى يطلب فيهم ما داوهاش فيه وفق مصدر "كود".
السيد دخل للوطيل وما بلغش الشرطة حقاش كانت عندو رحلة يرجع للمغرب الاحد مع السبعة دالصباح. المهندس اللي حضر فالاسبوع الاخضر ببرلين ماشي المغربي الوحيد اللي تقولب ولا تشفر، فقد علمت "كود" ان مشاركين في هذا الاسبوع تقولبو تقوليبة فشي شكل. كانوا كيدورو بجوجهم مع عليهم ما بيهم وهو يوقف شخص سألهم عن موقع فندق "ايبيس" يقول مصدر "كود"٬ ردا عليه المغربيان ليقف شخص ثالث يضع قبعة "شرطي" بالقرب من منطقة وسط برلين يتواجد فيها "كاليري لافاييت" بشارع فريديريتش. طلب من الجميع اوراق الثبوتية واخبرهم ان ذلك بسبب اللاجئين. بعد الاطلاع على الاوراق طلب منهم يعطيوه لفلوس باش يشوفهم واش مزورين ولا اللا. عطاوه لفلوس. بعد ما تحرك اكتشفو ان شي 300 اورو ولا كثر مشات ليهم تضيف مصادر "كود". يعني طلع هاداك غير مقلب وهادوك نصابة دارو ليهم السماوي.
لمغاربة اللي شوهو فالمانيا فحادث الاعتداء على المانيات بكولون واللي حركو من اليونان ورجعو ريوسهم لاجئين باينة غاديين يشوهو اكثر صورة المغرب مستقبلا