والخطفة والشرفة وسط كازا واخا كاين الملك. مرا مسكينة داو ليها صاكها وفلوس عملية غادية ديرها غدا وتحليلات وما داوهاش فيها البوليس

آش واقع فكازا معروف انه باش الملك محمد السادس كيكون الشفرة ولخطيف ولگريساج فكازا كيقل، لكن هاد العشية وقعات خطفة وسرقة مثيرة، السيدة خرجات من مختبر، يقول احد اقاربها ل"كود"، بشارع مودي بوكيتا قريبة لكازا فورد، هي وجوج بناتها خطفو ليها الصاك.
مصدر "كود" قال ان جوج براهش على موطور 103 داوه ليها الصاك اللي فيه 120 الف ديال العملية اللي كانت مقررة لبنتها غدا وجوج تلفونات وحتى تحاليل العملية
السيدة مسكينة تتواجد حاليا بكوميسارية جوج مارس وما داوهاش فيها وغادية تصطى.