واش اخنوش غادي يقود ثورة على حزب الاعيان؟ ها خطة الطريق

بدأ حزب التجمع الوطني للاحرار مساء يومه الجمعة 19 ماي 2017 بمدينة الجديدة المؤتمر السادس للحزب. مؤتمر يقدر يشكل قطيعة مع هاد الحزب اللي من نهار تاسس هادي 40 عام وهو اشبه بنادي للاعيان. المؤتمر فيه تنظيم حرفي فيه جمالية للقاعة اللي فيها المؤتمر فيه توظيف للتكنلوجيا فيه جانب تفاعلي مع الحاضرين.
هاد الجانب الشكلي وظفو الحزب باش يبين باللي كاينة رغبة لاحداث ثورة ماشي غير شكلية بل تنظيمية على حزب لحمامة. عزيز اخنوش رئيس الحزب المرشح للاستمرار في هذا المنصب دعا الى توضيح ميثاق الحزب ومرجعياته. الرئيس قال ان هذه المرجعية يمكن ان تتمحور حول كرامة المواطن والمبادرة الفردية والاقتصاد التضامني. باقتصار حزب ليبرالي مدردر بالاسلام الوسطي.
اخنوش ذكر انه دخل الى السياسة بالمعقول والصراحة والكلمة "فهمت باللي السياسة ماشي هي الخطابات المصنطعة ماشي هي الشعارات الرنانة ولا نظريات المؤامرة ولا شد في نشد فيك". وختم "الناس باغية المعقول باغية اغراس اغراس.
من هنا يبدأ المسار واغراس اغراس. مسار فيه احداث تنظيمات موازية شبابية ونسائية وهيئات مهنية تابعة للحزب. هاد الشي طبعا خاصو رجال ونساء ونسبة كبيرة من الالتزام =النضالي= لهاد المبادئ