رونار فاجأ الصحفيين: من غير ضريف ومؤدب: گلبها دارجة في بورجونتي

رونار تبدل. مدرب المنتخب ما بقاش قالب على الصحافيين المغاربة وما بقاش تايحشي ليهم الهضرة. هاذ الشي اللي بان في الندوة الصحفية اللي دارها الناخب الوطني اليوم في الصباح في بورجونتي, المدرب الفرنسي دخل لقاعة الندوات الصحفية مبتاسم وبرك فبلاصتو وهو محافظ على نفس الابتسامة وأول كلمة خرجات من فمو فاجآت الجميع. "السلام عليكم". هاذ الشي اللي قال رونار للصحفيين ومن بعد ما سكتش حيت ملي ردوا عليه السلام وقال ليه واحد من الصحفيين المغاربة: "كي داير لاباس عليك", جاوبوا المدرب الفرنسي وقال ليه "الحمد لله بارك الله فيك", ومن بعد كمل الناخب الوطني الندوة وجاوب على أسئلة الصحفيين بتلقائية"