هاد الكاف عينهم فينا: المنتخب ما تريناش بسبب تغيير موعد الطيارة

مدرب المنتخب بعدما برمج حصة تدريبية اليوم في الصباح اضطر يلغيها بعدما بلغات الكاف الجامعة المغربية بأن رحلة المنتخب في اتجاه بورجونتي غاتكون اليوم مع لحداش قبل ما تعاود الكاف تبدل موعد إقلاع الطائرة وترجعو مع الوحدة.
مصدر كود أكد أن الطريقة اللي تعاملات بها الكاف مع المنتخب الوطني هاذ الصباح كعات الناخب الوطني هيرفي رونار، خصوصا ان المنتخب ما تريناش البارح في لعشية وكان خاصو يتريني اليومو في الصباح فبيتام وملي يوصل لبورجونتي يدير حصة خفيفة ولكن هاذ الشي ما بقا منو والو. واللي كمل الباهية هو ان اللعابة ديال المنتخب جمعوا حوايجهم وهبطوا الباكاج من ليشومبر دياولهم وملي بغاو يشدوا الطريق مع الثمنية ديال الصباح تبلغوا بتغيير جديد فموعد الطيارة وبقاوو باركين حدا لوطيل وما فهموا والو فهاذ التخربيق ديال الكاف.