رونار فرحان وعطا للاعبين روبو باش يرتاحوا

اللاعبين ديال المنتخب الوطني عندهم روبو اليوم في لعشية. الناخب الوطني قرر بالتشاور مع المساعدين ديالو باش يخلي اللاعبين يرتاحو بعد ما بان عليهم العياء البارح في المباراة ضد الكوت ديفوار، وبعدما خلاتهم الفرحة بالتأهل لايبقاو سهرانين تالثلاثة ديال الصباح باش يحتافلوا بهاذ الإنجاز ففندق "بنيديكتا دو بيتام".

وواخا الفرقة كاملة عندها الراحة غايديرو المعالجين الطبيعيين للمنتخب المغربي حصة ديال الماساج للاعبين اللي لعبو الماتش ديال البارح، وهوما منير المحمدي، وحمزة منديل، ومروان داكوستا، وغانم سايس، ويوسف النصيري، وكريم الأحمدي، وفيصل فجر، ومبارك بوصوفة، ونبيل درار، وعزيز بوحدوز، ورشيد العليوي، وخالد بوطيب، ومنير عوبادي.